小鈺~~要幸福快樂呀﹗﹗

今日係小鈺上頭嘅日子，明天係佢結婚嘅大日子，好遺憾唔能夠出席﹗

有時d嘢係整定的，唸都冇唸過，我會出席唔到佢個婚禮﹗

只係有點兒失落，因為真係好好朋友，好想分享佢嘅喜悅，好想同佢一齊見證佢人生最重要嘅一刻，但好可惜……

我冇怨，因為我知道麻麻都唔想﹗

所以我係感到可惜…

在此我送上對佢嘅祝福：

我衷心希望佢能夠幸福快樂﹗直到永遠……

走出白蝕的日子-15(情況樂觀嗎？﹗)

一直以來，我都堅信我一定會好番的﹗
這是我一直以來的信念。
即使我今日發現自己的情況冇自己所想咁樂觀，但我仍然相信，我會好轉的﹗
近期其實已發覺自己好似唔係幾妥，白蝕嘅部分有增加嘅跡象，但我都冇理會，今日我照鏡，我終於發現個嚴重性了，原來自己嘅懶散，係會出事的﹗
明明知道自己一定要介口，知道一定要定時定候搽藥膏，但都會因為懶而放鬆，今日我終於自作自受了，原來真係會出事的﹗我唸我真係要見見醫師，真係要見見Dr黎，仲有要介口，同埋快d買冬蟲夏草食，唔好再偷懶，如果唔係，我只會越來越嚴重﹗知道嗎？
事實上真係好明顯，我俾心機搽藥膏嘅地方係冇咁嚴重同埋會好轉的，但我唔搽藥膏嘅地方，則越來越白，所以真係唔懶得的﹗
仲有，我要保重身體，唔可以再咁差下去了，記住：
長命功夫長命做~~~
加油﹗小燕~~~
你一定會好翻的﹗
加油﹗﹗﹗

壞消息~~~

好唔開心﹗因為媽咪話俾我，話嫲嫲個病情變得好差﹗我聽完之後真係好唔開心﹗明明之前已變得好些﹗點解係咁短時間又變成咁呢？
我都唔知講乜好？

醜怪~斷片~~~~~

好醜怪﹗我做咁耐mc，我都未識過好似今日咁醜怪，無端端斷片﹗
我都唔知己係度做乜，又唔係未見過大場面，但就係唔知點解，無端端發台瘟，做做下好似呆咗咁，講到一bat bat 咁，勁醜怪﹗
好唔開心﹗超唔開心﹗
唸到冇唸過自己點解會做成咁﹗
你話如果冇唸過就話啫﹗但我係有唸過的，都做到咁，我真係好唔滿意囉，呢個係對自己基本的要求囉﹗
我覺得好醜怪﹗

一則以喜，一則以悲…

今日我的心情很複雜﹗
唔開心，係因為今朝八點幾，阿tak打俾我，話polly企係天台，要生要死，全完失去了理智…
我從來冇唸過，果個係我所認識嘅polly，係我印象中polly係一個好堅強嘅女仔，唔會因小事而倒下，唔會因為情事要做傻事…
如果三年前有人同我講，話POLLY會做傻事，我會話果個人危言聳聽，
但……
原來，人真的會改變，會因情而變得失去理智，會變得迷失自己，究竟個男人有乜好，要為佢行到這一步？要生要死就可以令個男人回心轉意嗎？
我只係希望，我所認識嘅polly會返來…
早日解脫，尋回失去的自信
開心，係表妹今日係我家拍結婚相，見到佢今日嘅笑容，真係令我有點兒羡慕，原來幸福嘅滋味係咁，我幾時先可以有人錫？
見到表妹咁，我再唸翻起polly，我就覺得好心痛，點解要搞成咁？
如果個天係要佢還債，我唸佢乜都還清啦﹗不論係實際嘅物質定係心靈，我覺得佢真係受夠啦﹗
上天……
放過她好嗎？
如果真係對佢好，放她解脫吧﹗
讓她清醒吧﹗

畫皮

昨日同華姐及歐陽去咗睇《畫皮》，好好睇﹗好睇的原因係主角嘅表現非常出色，周迅、趙薇同陳坤都做得好好，特係周迅啲表情，真係好細膩﹗感情戲部分俾都我意外驚喜，並非一味的二元對立，而係一往情深，好適合陳坤俾我嘅感覺，陳坤真係好靚仔，雖然好似好膚淺咁，但陳坤真係好靚仔，如果真係有人好似戲中嘅王生，我唸我都會好似佩容咁牺犠自己﹗

HaPpY BiRthdAy tO MySelf

生日快樂﹗

HaPpY BiRthdAy tO MySelf

又大一歲了﹗

自己過生日…

有點獨孤，我好想下年生日有人陪

今年發生咗好多事，對我有好大改變…

其中一樣係我要面現實，

雖然現實有些殘酷，但也要坦然面對

好驚自己一個嘅感覺

好怕要人地嚟陪我

我好想有人能名正言順來陪我

我好想有人陪

我個「他」幾時會出現啦？

還記得「從不喜歡獨單一個」嗎？

奉獻

好耐冇BLOG了﹐近來冇乜心情，做什麼事提不起勁﹗可能是因為四川地震的影響吧﹗我自己都冇唸過，我會受咁大嘅影響，每日都好想知道所有有關地震嘅資訊，我自己都覺得有d可怕﹗心情受到好大嘅影響，變得好低落﹗

今日無意中聽到一首歌，覺得好好聽，特別係d歌辭，好有意義：

奉獻

長路奉獻給遠方
玫瑰奉獻給愛情
我拿什麼奉獻給你
我的愛人

白雲奉獻給草場
江河奉獻給海洋
我拿什麼奉獻給你
我的朋友

我拿什麼奉獻給你
我不停的問
我不停的找
不停的想

白鴿奉獻給藍天
星光奉獻給長夜
我拿什麼奉獻給你
我的小孩

雨季奉獻給大地
歲月奉獻給季節
我拿什麼奉獻給你
我的爹娘

我拿什麼奉獻給你
我不停的問
我不停的找
不停的想

與爸b對話

今日我去咗澳門爸b食飯，我先發覺…原來爸b同舅父們有好多矛盾。
這些矛盾有d來自爸b同舅父們的性格不合，有d來自爸b對舅父們嘅輕視，有d來自爸b係過去幾年內，因生意不景而積下的怨氣‥‥好多好多，夾夾埋埋變成咗今日嘅局面，大家對大家嘅不體諒。
係今次嘅事物中，我唔知當中嘅對與錯，我只知道，爸b同媽咪因為今次嘅事件而爆發了多年嘅積怨，我估今次爸b係唔會讓步，而媽咪又一直都係自我中心，兩者都係咁，我都唔知今次可以知點收科﹗
其實都唔可以話邊個對同錯，因為有時兩者都幫不下去：有時媽咪對人嘅態度好差，有時d說話好難聽，成日都好似施捨俾人咁，有時真係好燘。再加上我哋由細到大都遷就佢，佢話點就點，結果佢好自以為是，只要有d唔順佢意，佢就黑口黑面，自問都幾難受；但爸b其實一直都就佢，一直都忍佢，可能係睇在兩夫妻上，也可能係因為媽咪真係幫咗佢好多，我都感受到媽咪對佢嘅好，所以爸b係好錫媽咪嘅，只係今次爸b太想一洗怨氣，一吐揚眉，也又可能係爸b太過頂唔順二舅父了，所以今次先會咁大獲，我都唔知可以點﹗
希望借著今次嘅母親節，可以搞掂啦
正所謂：家和萬事興﹗

引以為恥

我從來有唸過，原來人有咁醜惡嘅一面﹗
點解一班先生一齊迫一個學生﹗明明個先生都有錯
但點解最後只係個學生錯晒﹗
我到而家仍然覺得林小姐係自己攞嚟﹗明明可以避免﹗佢仍然選擇同個學生一般見識，一齊口角，我只係想講…
佢係有挑釁學生﹗
但佢話自己冇…
我只係覺得可笑，
笑佢嘅做錯唔認；
笑班男人明明唔在場，但仍一口咬定，判個學生死罪，講到佢係當事人一般：
笑副校嘅「顧全大局」，
通通都可笑……

同時，
我仍覺得難過…

點解要咁對個學生？

我從來唔覺得自己有教學抱負，但仍知道要俾機會學生；
我唔係要做聖人，但我覺得要對學生公平
先生並唔係一定啱晒
尤其對住果d只係顧全自己利益嘅同事
打著為我哋爭取尊嚴嘅旗號
實質對學生進不公平判斷…

我…
以你們為恥﹗﹗﹗

頴表妹

今日，我收到熲表妹嘅電話，知道舅母越來越癲，成日發神經，撩表妹﹗我唸如果再咁落去，表妹遲早會痴線﹗
唸都無唸過，點解舅母會變成咁，成個句界只有佢係啱，其他人全部都錯，仲要講d咁難聽嘅說話，點講果個都係自己個女，唔通佢真係覺得自己個女係咁？
我真係替表妹難過﹗

1B與我？

唔經唔覺，已經做咗1B班主任半年有多‥
老實講，俾我想像中好，起碼D人仔唔會好似以前班仔咁，成日打架﹗
不過就太細路，成日為D雞毛蒜皮事嘈，搞到好鬼煩…
好似楊同學成日扮大佬，走來走去，搞搞震！鍾意發少爺脾氣…
沈女孩成日做D嘢出來俾人玩…
小寶寶成日搞完人又唔認，輸打贏要…
仲有佢地好唔鍾意我個partner，成日同佢作對，同佢嘈，最慘係佢又唔理，又搞佢地唔掂，成日留d手尾我跟，搞到古古怪怪咁…

其實肴時都唔可以怪d學生﹐因為我partner又爭唔落…
自己玩嘢，明明可以放學又唔放…
自己話罰人又唔堅持…
又唔識做戲…
搞唔掂d學生就留俾人罰…
仲要俾d學生踏到上頭…
你話我可點？
成日搵著我嚟搞…

玩嘢﹗

走出白蝕的日子-14(壓力好大﹗)

我從來無諗過，原來我真係好care我個病﹗
係尋晚，我發夢見到自己個鼻俾白蝕蝕到一忽一忽…
個夢係講d乜，老實講我己經忘記，但我個白蝕樣，我仲記憶猶新﹗我諗…
我其實真係好care自己個病，我個潛在壓力好大，我自己都唔知想點？
我唔知自己可以點樣釋放d壓力？
同人傾？
定係搵醫生？
我都唔知可以點？
但老實講…
我已經不斷同自己講：要放開d
雖然我不斷發現自己個身有一忽忽嘅白蝕，但係個身度，人地又見唔到﹗我唸唔緊要啦﹗總好過係塊面度﹗
而且我又搽藥又睇中醫，我深信、我堅信…
我一定會好番的

走出白蝕的日子-13(現對現實吧﹗﹗﹗)

今日，我終於情緒失控了﹗在地鐵中，我哭了出來…
係同Polly的傾談中，我終於能面對現實，我根本唔想承認我個病又再復發…
我一直以為我已經接受咗，但到今日，我先知道，其實我根本唔想承認呢個事實，我根本係度逃避，我成日認為，只要我唔講、唔唸，就會冇事發生，我唔照鏡、唔去刻意搵，係唔會再出現的，白蝕已遠離我…
我個病己經斷尾了…
但事實係…
我根本未好返，我舊病復發﹗
但又點？
病係會有好嘅一日﹗
雖然我個病又返發﹗
但這代表我個病曾好過…
我今日只要努力去醫
一樣會好番的
只要我勤d去搵醫師
只要我做足保護
我係唔會再嚴重落去的
我深信…

而家唸返，其實都好邪，因為先個排，我成日會唸…
唔知將來時，我會點同d小朋友玩啦﹗我有白蝕，我會點帶佢地出街玩呢？
又或者，我將來可唔可以生小朋友呢？生完後會唔會加深病情呢？
而我將來照婚紗相時，可唔可以照夜晚呢？
這一切想法，其實會會係提醒自己嘅先兆呢？

又或者…
先前自己發現自己隻手好似又出現膚色唔平均時，係唔係其實已經要注意呢？
今次會嚴重咗？
其實係咪因為自己想逃避而做成的呢？
如果我肯好日面對現實，會唔會又會好d呢？

整餅記

好開心﹗今日我跟文華個西餅師傅學整餅﹗

師傅嘅大作，厲害﹗﹗

我嘅整特濃朱古力餅，係咪都好正啦﹗﹗

製成品與我

見到人地整西餅係為咗自己個親愛的，咁我自己又如何呢？在回程途中，唔知點解，突然想起「從不喜歡獨單一個，可惜偏偏孤獨一個…」這句歌辭，唔知係咪因為情人節前夕，所以特別多愁善感？定係因為身邊嘅朋友已經有人陪，唔係得自己一個人？我都唔知，我淨係希望自己明年都可以整餅俾自己個親愛的﹗

在此祝天下所有嘅有情人：情人節快樂﹗﹗

相中的我…

我真係好唔鍾意照相，因為我成日都覺得相中的我唔似我，真人好似靚d，自然d。但唔知點解‥

今日我忽然唸通咗，靚唔靚只係自己唸，旁人係無感覺的。再加上，我覺得唔靚可能係…

係自己心目中，我個樣唔係咁，所以好唔習慣，覺得果個唔自己嚟，所以唔能夠接受自己個樣。

唸深一層…

唔影相，損失嘅可能係自己…

因為我會損失咗好多生活紀錄

一d開心嘅紀錄

一d失落嘅紀錄

這一切，都係我嘅生活

這一切，都係我生存嘅痕跡

所以…

無論係靚定醜

都係我

我要接受自己

有時…

我都會唸…

唔知其他人會唔會都有咁嘅感覺呢？

登…登…登…登

登…登…登…登

借hugo仔近期嘅名句，等咗好耐嘅《一屋四人一日一誌》，我終於買到啦﹗

真係好開心，因為真係好好睇^.^

如果…

我可以做到一個好似MAmiMamA咁嘅媽咪，

我唸，我嘅兒女真係會好開心

MAmiMamA真係好厲害

我非常敬佩佢﹗

如果愛下去…

今日，無意中唸起這首歌
歌辭道出了我嘅心聲
如果再走落去…
會點呢…

張靚穎 -如果愛下去
作曲：吳夢奇
作詞：丁一/唐恬
編曲：楊波
製作：李偉菘

街頭那一對和我們好像
這城市華燈初上多兩個人悲劇散場
放開擁抱就各奔一方
看著他們我就濕了眼眶
不回頭兩個方向流著淚的破碎臉龐
仿佛我們昨天又重放

很久以前如果我們愛下去會怎様
最後一次相信地久天長
曾在你溫暖手掌不需要想像
以後我漫長的孤單流浪
很久以前如果我們愛下去會怎様
毫無疑問愛情當作信仰
可是生活已經是另一番模様
我希望永遠學不會堅強

看著他們我就濕了眼眶
不回頭兩個方向流著淚的破碎臉龐
仿佛我們昨天又重放

很久以前如果我們愛下去會怎様
最後一次相信地久天長
曾在你溫暖手掌不需要想像
以後我漫長的孤單流浪

很久以前如果我們愛下去會怎様
毫無疑問愛情當作信仰
可是生活已經是另一番模様
我希望永遠學不會堅強

街頭那一對和我們好像
放開擁抱就各奔一方

原來已經14年……

今日無意中，見到華姐個blog，先發現原來…我們已相識14年了﹗
14年
一個好長嘅日子，
原來我嘅日子有一半係有佢一起過的
但我發覺近幾年
我同佢嘅距離遠了
唔係一小段嘅距離
而係好似鴻溝咁大
曾經我係佢知心好友
佢有乜事都會話我聽
而家……
我唸
大家都唔知點講出口
雖然我地仲會間中見
但我唸
我同佢已今非昔比
好多話題都已到了點到即止嘅地步
這是不是叫
時光流逝？

我好希望
係未來嘅14年、28年、42年……
我同華姐
都可以走落去

但……
今非昔比
我地已身處於唔同嘅世界

路…
真的仍可走下去嗎？

我希望
我亦都深信
只要大家都有心
路…
仍是可以走下去的

在此
我祝佢成功
亦希望佢知道
在佢背後
有一好友
無論佢身處於何地
作什麼決定
仍會默默支持她

走出白蝕的日子-12(舊病復發？)

好驚？但事實又唔係好驚，只係好唔開心，點解個額頭又會有白蝕，明明已經好咗好多﹗點解又會有，我背後已經有，個腋下已經又有，點解連個額都要復發？明明已經退晒﹗隻手同心口都退得7788，但點解？好失望……

廣州長隆兩日遊

原本開開心心嘅兩日遊，結果都係唔開心收場﹗都唔可以話係好唔開心，但都有d失落﹗因為在過程中，我被人插爆，總知所有嘢係我唔啱，係我冇planning同交代唔清楚？但真係我錯嗎？大家都要負一d責任，定係有人係百壇齋主，乜都話唔好﹗好多時我都唔知，如果有咁多唔好，不如你plan啦﹗成日話冇街行，咁係大陸新年所有地方都close啦，我都冇辦法，成日話要行路，但要考慮d小朋友，唔係個個都係顧自己咁簡單，但個個都攞住d重野，仲有ersa咁重，背住係好辛苦，仲有你地又唔慣國內生活，又唔夠快，唔夠人爭﹗算啦都過咗去啦﹗
但我點都唔明？點解爸b返嚟後要話我，咁我好攰同好飽唔食野都唔得咩﹗我d牙肉腫得好厲害，唔想食野係好正常，都明點解要話我，我唔係奉旨做小旦的，我都有情緒失落時……

新年快樂

今日是年初四，先同自己講聲新年快樂﹗又過一年了，今年嘅新年願望非常簡單，就係要爸b生意興隆、自己身體健康、同埋今日蜜運成功﹗
阿弟今年返咗嚟過年，真係好開心，雖然個衰仔仍然係唔嗲唔吊咁，但仍然好開心，因為一家團聚嗎﹗

忙死啦﹗

好忙﹗超忙﹗就嚟忙死啦﹗

都唔知點解可以多野做到咁，一時又話聯展，一時又話open day﹐好似我地係超人咁—

我都還好，最慘係dorothy，真係會做死﹗做到個人好攰，個頭好痛﹗

可惜明天又要返工，星期六又要練oral，自己又病﹗超慘，真係慘無人道﹗

如果可以快d過咗個一月就好啦﹗

不過…

我都未減到肥…

2月

阿tak就結婚啦﹗

你話…

點算好呢？

^~^

新的一年，新的希望

已踏入2008年啦﹗新年快樂﹗
又大一歲啦﹗回想過去一年，真的發生了好多事﹗最厲害o既係我上年睇咗好多錢醫生，先係喉嚨出事，跟住係皮膚有白蝕﹗有時真係唸起都想發脾氣﹗原來病真係好辛苦﹗
上年要數最開心可以話爸bd生意有好大的進展，係澳門做完一單又一單，真係好開心﹗
記得以前係日記上曾經寫過，如果我病以換取爸bo既生意好咗，我一d都唔後悔﹗
要數近日最失落的可以話係「天虹書店」決定結業，唔經唔覺我已幫襯咗佢地成十年，而家話結業，真係有d失落和唔開心，好係兒時o既回憶決落o既一部分﹗但天下無不散之延席…
新年願望？
我o既新年願望係：
1.要升做gm
2.要搵個對我好o既人
3.唔駛做咁多嘢