近期瘋狂愛上ian somerhalder

IAN SOMERHALDER，真係好靚仔﹗
繼陳珅後，另一我覺得好鬼靚仔嘅人，真係靚仔到爆﹗尤是是佢扮演 DAMOM SALVATORE時，佢嘅眼神同神態，真係無與倫比嘅型﹗

點解會搞成咁？？？？

睇番D舊相，今時今日嘅我，真係慘不忍睹!!!
點解會搞成咁？
明明以前都冇咁肥，但點解今日會肥都成隻豬咁？
係一隻豬﹗
我自己都唔想影相同睇相﹗
我接受唔到自己﹗
明明我食野唔多，係咪真係冇運動？
定係因為我身體唔好，病都咁？
我都唔知？
我淨係知道自己要減肥，係地獄式減肥，
如果唔係，BB幫我做嘅野就白廢心機﹗

我諗我真係要張自己張肥豬相貼係當眼位置，不斷警剔自己﹗
加油﹗小燕…
你會成功的

目標係15KG，半年時間

原來是這樣…

原本我今日已經好啲，但細佬一句「車是人哋嫁…」
唉﹗我又一次再down過﹗
係「車…真係人哋嫁」點解我會搞成咁…
個個都話冇問題，錢可以解決到嘅唔係大問題，
我非常同意呢句說話…
但心裡條刺仍然係度…
我都唔知自己想點？
生活仍是這樣過…
心情仍未有好轉…

忘憂？
怎樣可亡卻憂愁呢？
我好想快d搞掂…
我真係有唸過，如果和仔話唔識整，我放低$3500，就算…
雖然真係有d唔甘心…


壓力~~~~
我今日終於明白我嘅壓力從可而來…
原來我每個月都擔心自己個戶唔夠錢~~~係一種壓力
好怕自己做唔晒野~~~係壓力
好怕收到阿杰電話，叫我俾錢~~~係壓力
好唔想自己個戶口冇錢~~~係壓力
見到個戶口少咗錢~~~係壓力
好怕媽咪問起有關鋪頭嘅野~~~係壓力
成日怕自己孤單一人~~~係壓力
介意人哋點睇我~~~係壓力
好唔想去補習~~~係壓力
怕自己個病惡化~~~係壓力
每日見到碗藥都係壓力
還loan係最大嘅壓力


就係這一切，壓得我死死的，
我怕我有一日真係會撐不下去，會發癲…
真係好想快d還完d loan，好想…好想…
仲有2年…
究竟我可以點做？

原來，錢真係可以俾安全感我…
但我冇晒d錢…

破財$3500

真係冇果樣整果樣﹗明明係想慳30元，點知倒頭來唔見3500元﹗真係黑﹗
個好人車主報咗個價俾我啦﹗要3500，比我想像中貴好多，我 原本唸住1000左右搞得掂，點知要3500，好貴，希望聽日爸b同ferdy幫我問完價後，個價會平d，都好肉痛﹗一野3500，好貴嘅教訓﹗
細佬話，破財擋災，但可唔可以輕d手﹗
點解會咁，係咪整定？

真係有d唔開心﹗
冇晒心情做野﹗
重要無端端肚呵﹗想點？

真係：
「人黑黑到幾時告知我
曾做什麼，承受惡果…

今日真係黑到爆…

今日真係有驚無險，唸到有唸過會咁樣撞到人哋架車，
真係大大爆…
自己嚇自己一餐
當時我真係唔知點算，因為係第一次，唸到冇唸過會咁，我真係唔識用尾入，用頭入結果出事，
勁唔好意思，我當時真係慢慢咁移動，真係唔知點解會咁勁，撞到人哋個「賓把」咁厲害，嚇咗自己一大跳﹗

唯一嘅大幸係我遇到嘅都係好人，
先有個兩個哥哥仔，幫我泊車不達止，仲話俾我知我可以點算…
其次有禮傑哥…話俾我知，我可以點做，好關心我…
最後係果個車主，雖然唔開心，但都冇話我，只係話叫我整番就可以…

希望唔駛整好多錢啦﹗
近期窮嘛…
當係破財擋災啦﹗

我估我都係黑嘅啦…
尋日無端端壞咗部相機…
今日無端端整到人架車…
唉…

明天會更好…
買張六合彩先…

你想點？

其實我真係好想問佢，佢究竟想點？
我知佢係關心我，但我真係同佢溝通唔到，佢問我：我間鋪點？阿杰有冇還錢俾我？
我都唔知點答佢，係冇，咁點啫？你估我想嫁？你話我蠢，錢係我俾嫁﹗我都冇投訴，你話咩我蠢，邊度有可能開鋪8 9個月就回本，超人咩﹗
你估真係唔駛守？我對佢有信心我先開第2間鋪啫﹗況且，你明知佢俾唔到錢我，我不斷係度頂緊，你安慰都冇聲，只係不話我，你估我又好好過﹗
我已經夠煩，你仲不斷增加我煩惱，你想我點呀﹗

好想…好想…

好想…好想…
但想又如何…
冇就係冇…
咁又可以點？
係唔出現就係唔出現﹗
咁我又可以做啲乜︰9
究竟係我自己嘅問題，定係個天未ok
我知自怨自艾唔係我嘅性格，
但除咗咁外，我又可以點呢？
神…
你會救救我嗎？

有點兒失落…

唔知點解？
我今日有點失落，老實講…
其實今日冇唔開心嘅野發生，我都好似平常咁，自己一個人hold好整個function
又冇乜大問題，但唔知點解，我仍有d失落？
唔通係因為班3b係其他堂上唔乖？隻仔又再發脾氣？
係因為自己俾咗麻煩秀賢？
定係班妹妹唔醒目？
還是因為班form6？
抑或係嬲自己點解今年個game會咁多漏洞？
其實我都唔知…
事實上…
阿妹同嘉榮今日做得好好
阿如佢哋又好醒目
仲有et都對我好好
但我今日唔佑點解，就似好失落…

人生新一頁…

唔知點解，係咁一剎那，我突然覺得自己嘅人生停滯不前，好係我身邊嘅人都不斷係度前進，但我嘅人生就停咗係度，唔識向前行…
身邊嘅朋友，紛紛經歷人生嘅不同階段，好係阿tak、小鈺、polly、細a、大a、eunice甚至阿頴，佢哋都正在經歷唔同的時刻，有人做咗人哋老婆，有人要做人哋媽咪…
但我呢？
我5年來都冇變過，都係返工放工…
其他？
也都冇…
我好想向前行，我唔想再停滯不前…
究竟，有誰能幫我？
我想有自己家庭…
我想有自己bb…
我可以點？
我知…有d野係唔可以強求？
但我真係好想…

錢…

心情好矛盾…
開心係問題解決了﹗
細佬幫我同咗媽咪講，結果我好順利咁取得媽咪嘅幫忙，解決咗學費嘅問題…
但我同時又好唔開心…
點解我咁無用，做咗咁多事野，我仲要伸大隻手攞錢…
係媽咪俾票我果一刻，我真係覺得好醜…
我果一刻有閃過不如唔好要呢一個唸頭﹗
但我知唔可以﹗
我真係好唔開心…

所以當我睇「老少無猜」時，我真係喊到收唔到聲，除咗係套戲本身好睇感人外，亦係我想發洩…
我真好唔開心…

我決定善待自己

920就920啦﹗
反正都係果句，船到橋頭自己直
要及時行樂嘛﹗
心動不如行動
我差都唔差果一千幾百啦…
反正，
都係咁咯…
最多，咪又loan囉…
可能，
上天會幫我啦，話唔定，
有人會打救我呢‥
其實，只要我肯放下自我同面子，
基本上，好易解決…
我相信係囉…

忐忑不安

我好忐忑不安，我明明好想要成套書，只係一套920的書，點解我要唸咁多？
咁大個人，人工又唔係少，點解要考慮咁多？
錢…
真係一樣好傷人腦筋的事
明明自己收入唔係少，但點解咁辛苦…
今個月要用好多錢，
又要交稅、又要交學費，又要俾loan
好窮…
完全係入不敷支？
點算好？
究竟應再laon定係…我都唔知，我唔係好想再問媽咪，好似好衰咁，每次都係搵佢救命，但又可以點？鬼叫自己信錯人，下錯決定，搞到自己咁慘咩﹗
一個字「唉」
我淨係8-11月，都俾咗$24000有多俾佢…
原本可以用呢筆錢俾學費，而家…
唉，我都唔知可以點？
總之，一句講晒…我唔會再俾錢啦﹗

咁我究竟買唔買好呢？
920買一套書，值唔值呢？
唉，邊個可以答我？

點解我咁窮？

究竟發生了什麼事？
點解我咁窮？
明明我每個月都有人工，我又唔係用得多錢，但我d錢去晒邊呢？
好窮…
好慘，都唔知點解﹗搞到自己咁慘…
希望下年好d…唔駛再唔窮…
新一年，新希望，
真係好希望來年可以有一番新景象，

新年願望：
1財源滾滾來
2減肥成功
3蜜運成功

希望今年好過舊年啦…