心靈建設

近期我真係好失落，原因係我以往覺得自己好好嘅野，俾一班禽獸打破晒﹗
一班一D都唔尊重我嘅禽獸，我返工日日都係呢班禽獸罵，我係冇做錯，明明係你哋自己唔想上堂，日日搞事，點解要罵我﹗
我真係覺得好唔開心，好失落，係佢哋身上，我只係見到人性嘅殘忍，同埋野蠻，可以因為唔俾佢去廁所而辱罵我，試問上堂可以隨便去廁所嗎？可以因為上堂要抄書抄筆記而辱罵我，如果你真係唔想上，你可以唔返，點解要罵我？我有錯咩﹗我真係覺得好委屈，我真係冇錯﹗點解你哋成日要辱罵我，我都有爸爸媽媽，我日日返工都俾人侮辱，如果因為我做錯野而俾人鬥，我覺得我抵死，但我一d都冇做錯，我只係做返我本份，反而錯嘅係你，你係度惡人先告狀，係度大大聲講粗口辱罵我，你哋先係最過份，我相信因果循環…
紀姑娘同我講，要多體諒佢哋，話佢哋有幾慘幾慘，我想話，佢阿爸阿媽打佢罵佢係唔關我事，做乜佢要發洩係我身上，我唔係佢個出氣袋，咁我嘅不滿又可以發洩係邊個身上呢？
我真係好唔鍾意佢哋，以前我對住所有嘅學生，我都可以真心咁對佢哋，對住1e，我真係唔得﹗我好唔想見到佢哋﹗我知道佢哋今日嘅所作所為，他日嘅惡果定會自己承受，但係我真係好唔開心，好委屈…
佢哋好影響我嘅心情，我真係好唔想俾佢哋所影響，我只係想開開心心，簡簡單單過日子，我好唔想日日返工都俾人罵，仲要係俾班禽獸罵，我真係好驚有朝一日，我會失去理智…
我唔想日日都受委屈，我唔係你哋個出氣袋，請你哋尊重你嘅師長…
雖然我不斷同自己講，唔好理佢哋，唔好為佢哋上心，但我真係做唔到，佢哋好困擾我，佢哋就嚟搞到我發癲，搞到我好冇心機，我真係好辛苦…
我可以點做？每日都係咁，我同自己講，佢哋好慘，俾多次機會佢哋，佢哋係小朋友，唔好同佢哋計較，但我真係好辛苦，因為我每日都俾希望自己，但我每日都好失望…
我點解做先可以完全釋懷？
我真係好想放開，唔再理會佢哋﹗由得佢哋自生自滅，我漸漸覺得，再俾機會佢哋，係等於不斷咁傷害自己…
但另一方面，我又唔認輸，我總覺得我冇理由搞佢哋唔掂，明明都曾經ok過，點解係呢個時候會搞成咁，明明我係戰無不勝，點解我會輸俾班禽獸，要我承認失敗，要我認我輸俾佢，我真係做唔到，好唔忿氣，明明我係強者，點解我要示弱？
所以我好辛苦，我每日都好心力交瘁，我知道再咁落去我會死，我個病會再次惡化落去，我好唔想搞到咁，因為我真係覺得唔值得，點解我要為一班禽獸而令自己個病情惡化？
但我真係控制唔到，我覺得自己好軟弱，我失敗，連一班小朋友我都控制唔到，佢哋打翻咗我整個世界，佢哋令到我懷疑自己嘅能力，我係咁真係可以控制一切，我以前係得嫁，點解而家唔得？
我要同自己講，有問題果個唔係你，係班生番，係班禽獸，佢哋嘅所作所為，係會有後果嘅，自作孽不可活﹗我真係真係唔可以再為佢哋而上心，佢哋講嘅一切都係假嘅，係佢哋無知，我係無錯，由得佢哋繼續罵，我唔駛反駁，唔好上心，唔好動氣，要用第三者，好係睇戲嘅角度去睇佢哋，遠距離咁欣慰佢哋嘅醜態，要記住佢哋係傻嫁，千其唔可以同傻人計較，因為你同佢唔同LEVEL，佢聽唔明唔係你嘅責任，只係佢哋層次低，佢唔願意提升佢哋個層次，唔等於你要降低自己去遷就佢，佢覺得整個世界欠佢，就由佢，你清楚知道自己冇欠佢就可以，佢要不斷吱吱喳喳，就由佢，大不了唔好上堂，係佢阻咗同學，係佢錯，唔係好錯﹗
同佢解心結，我會做，不過要預咗打輸數，因為佢哋唔係一般人，今日做完，聽日就會忘記，係佢哋心目中總是我錯，亦只有我錯，反正都係錯，咁就由佢啦﹗
我開始清楚明白，佢哋係聽唔明人講野，只係以自己所想或只係聽佢想聽嘅野，係一班講極都唔明嘅生番，如果係咁，係唔駛同佢哋講條件，佢哋係冇對與錯，只有佢啱我錯，咁即是以後都係要簡單直接，唔得就唔得，一就一，二就二，如果佢發癲，就由佢癲…唔駛動氣，因為就好似你同隻狗講野一樣，佢係唔識聽人話，只係識聽狗話，你同佢係唔同層次，你唔會因為隻狗聽唔明你講乜而唔開心，同樣都係，小燕，你千其唔好因為佢聽唔明而嬲，因為佢真係聽唔明，因為1真係唔同層次，將心機放係4B同5D度把啦﹗救一D有救，總好過做完善事仲要俾人罵~~
唔係人人都要領你情嫁，小燕，所以既然人家都唔領你情，咁你就唔好白費心機，記住，你唔係救世主，你唔駛救佢哋，佢哋要死，你唔好多事，你已試過好多次，又試過好多方法，佢哋想唔領情，佢哋仍然想死，咁就唔好阻佢哋啦﹗仲有唔好為此而唔開心，要記住，你冇錯，你已盡力，佢哋嘅死，係同你冇關，你問心無愧﹗
惡果佢哋總有一日要承受…
佢哋只係過客，唔係你全部…
佢哋只係生番，唔駛理會佢…
佢哋只係無賴，唔駛放係心…
佢哋只係野獸，唔好俾佢再傷害到你…
你只係一個小人物，救唔到佢哋，改變唔到佢哋唔係你錯，
錯嘅只係佢哋唔領情，
錯嘅只係佢哋唔肯改變…
你一定無錯…
記住，你已盡本份，你已盡力，你問心無愧…
要對自己好D，
要放低1E
佢係無賴，你唔係
你係最好的~~~~

點解要一意孤行

點解要一意孤行，明明間房係我嘅，我已表明我唔想個門口咁開，你又話尊重我，但我表明意見後，就意見接受，態度照舊，再三表達意見之後，都係一意孤行，咁你想點啫？
我知你係為我好，但我真係唔鍾意嘛，住的人係我，你唔係應該尊重我嗎？問完又唔做，咁做乜要問我啫﹗
成日都係咁，做人唔聽人講，成日都覺得自己啱晒﹗之前舅父仔件事又係咁，今日我間房又係咁，你都點啫，我都大啦，聽下人哋嘅意見好嗎？
我都係為咗之後唔駛成日都聽到你係度抱怨，我先好勉強接受之前個idae，但我真係接受唔到而家果個囉，住果個係我，日對夜對，你估我會開心咩？
都唔唸下人哋嘅感受，同你講，只要唔係滿足你個要求就發脾氣，同d細路又乜分別喎﹗
成日都係咁，只有我妥協，成日都要我讓人，點解你唔讓我一次喎﹗
忟!~~~~~~~