走出白蝕的日子-13(現對現實吧﹗﹗﹗)

今日，我終於情緒失控了﹗在地鐵中，我哭了出來…
係同Polly的傾談中，我終於能面對現實，我根本唔想承認我個病又再復發…
我一直以為我已經接受咗，但到今日，我先知道，其實我根本唔想承認呢個事實，我根本係度逃避，我成日認為，只要我唔講、唔唸，就會冇事發生，我唔照鏡、唔去刻意搵，係唔會再出現的，白蝕已遠離我…
我個病己經斷尾了…
但事實係…
我根本未好返，我舊病復發﹗
但又點？
病係會有好嘅一日﹗
雖然我個病又返發﹗
但這代表我個病曾好過…
我今日只要努力去醫
一樣會好番的
只要我勤d去搵醫師
只要我做足保護
我係唔會再嚴重落去的
我深信…

而家唸返，其實都好邪，因為先個排，我成日會唸…
唔知將來時，我會點同d小朋友玩啦﹗我有白蝕，我會點帶佢地出街玩呢？
又或者，我將來可唔可以生小朋友呢？生完後會唔會加深病情呢？
而我將來照婚紗相時，可唔可以照夜晚呢？
這一切想法，其實會會係提醒自己嘅先兆呢？

又或者…
先前自己發現自己隻手好似又出現膚色唔平均時，係唔係其實已經要注意呢？
今次會嚴重咗？
其實係咪因為自己想逃避而做成的呢？
如果我肯好日面對現實，會唔會又會好d呢？