有時會諗，媽咪有病係咪真係俾咗好多壓力自己呢，上次係媽咪打第一針前，今次係媽咪打第二針後﹗
哭過可能會更好﹗起碼壓力已發洩了﹗
我知道姐妹們係愛我﹗
要留意自己，小心自己有抑鬱病﹗
唔好再咁著緊他們對自己係點，最緊要係自己要知自己想點﹗
HAPPY BIRTHDAY MYSELF!!
2013年8月23日 星期五
Happy birthday to myself
生日快樂呀！自己
有時真係幾無奈，明明同好姐妹一齊chat緊，但都過咗11分鐘，仍冇人同我講一聲生日快樂！
雖然我好明白我知道我應該識大體，小玉嘅事係會影響佢一生，但我都只係想係對話當中得一句祝福，但我都係得唔到。
有時我真係好傻咁諗，我咁為大家，但佢哋又將我放係邊呢！從來我都係獨單一個，雖然我明白我真係好唔應該咁諗，但從來都係咁！可能真係我傻，我心裡好明白佢哋係愛我，但我個要求其實都係好細，只係一句祝福。
我知道我唔應該為呢啲野而傷心，但我真係控制唔到我啲眼淚，我真係冇諗過我係用眼淚來迎接新嘅一年。
我其實有時會諗，點解自己總會有自己係後備嘅感覺，究竟係我多心，定係我嘅錯覺。
我等了好久後，佢哋終於醒起了，但心已傷。。。
我好想只做某人嘅首選，我唔想再做後備。
明天食唔食餃子，明天再算吧，興趣已失了，意義也失去了。
老實講呢個係我第二次覺得自己被輕視的感覺！第一次係好細個時嘅富華生日，第二次係今日。細個時令我有咁嘅感覺係媽咪，今次係班好姐妹。
哭過了，痛過了，生活仍是如此。我只能說我自己多心，也只能說自己的好姐妹粗心大意，我估我可能一生也不會得到我想要的貼心，但我知道他們是愛我的，可能，我往後睇返，也只會笑自己傻，亂諗野。
我只知道我要堅強，因為我暫時無所依靠。縱使我都好想有能依靠的肩膀。
每年我都會為自己許下生日願望，今年仍如是：
1.所有人都身體健康，媽咪快啲好番。
2.快啲搵到一個愛我嘅人，我想做正選。
3.爸爸生意興隆，我只想賺番已失去的。
堅強些，我已冇事了！
唔好再亂諗野了！
生日快樂！小燕
2013年8月17日 星期六
改變？？
我今年終於的起了心肝去剪頭髮，雖然唔係好靚，但始終係一個改變。為自己行出了一步•••
「變」
老實講我可以好多年都冇改變過了。𣎴知不覺咁就六年有多。
我今日同寶妮傾開電話，先發現其實自己已經好多年冇變過，每日返工放工，生活嘅地點只係係屋企同公司。成人都收埋自己唔想見人，我不知不覺過咗六年有多咁嘅生活，係六年有多， 女人最寶貴嘅六年就係咁白白流失了。係呢六年，我唔想見人，只係想收埋自己，冇乜出過去行街睇戲；冇乜結識過新朋友；生活冇乜改變，唯一會做嘅就係動漫要賺錢，我唔知自呢六年來做過啲乜，雖然有出去同朋食飯，但撫心自問，差唔多每一次都會想臨陣脫逃，每次都會有「放飛機」嘅諗頭，而事實我亦真係放過人好多次飛機，特別係舊同學聚會，每次都唔想去。就算係姐妹們嘅飯局，都係去得好勉強，人到心不到，總覺得自己同其中人隔隔不入，總覺得自己係局外人，就算笑都並非發自真心，只係因為唔想其他人擔心而笑，好少從心底發出嘅笑意，問情呢六年來我真正笑過幾多次？有幾多次笑完係冇失落感？真係諗返起都覺得自己可憐，點解要迫到自己咁呢？
呢六年嚟，我最鍾意睇小說，係因為小說俾到安全感同幻想我，滿足到我，我係小說世界中見到愛情，見到友情，見到異國風情，我覺得呢六年中，我見過好多野，但我忘記了這一切皆是虛幻唔真實的，我應該要活係真實嘅世界中， 而非小說中。我成日都覺得自己已經歷咗好多， 但其實一切都係假的，係別人幻想出嚟嘅世界，我只係一隻井底之蛙。
點解我會變成咁嘅呢？老實講我自己都唔知，我只知道我因為接受唔到自己有白蝕嘅現實，而把自己迫到絕境，我要係人哋面前扮到好堅強，但其實越堅迫正代表自己越接受唔到，自己變得好辛苦，但又要壓迫自己，唔俾自己發洩，最終真係癲咗。
我失去咗六年嘅光陰，我而家突然清醒了，但隨之而來嘅係另一種不安嘅情緒，我好怕自己會咁樣撧繼續落去，我再無另一個六年青春可以浪費落去， 我想結婚生仔，正因為我嘅等留，我錯過咗好多野，我嘅愛情，我呢六年好似一張白紙咁 乜都無， 好真係好怕我嚟緊嘅六年都係咁過，冇人係身邊陪我，乜都要自己撐，我真係好驚好驚，我都問我的他在那兒呢？我嘅愛情又幾時會出現呢？
我可以點樣追返我所失去嘅光陰呢？
「變」
老實講我可以好多年都冇改變過了。𣎴知不覺咁就六年有多。
我今日同寶妮傾開電話，先發現其實自己已經好多年冇變過，每日返工放工，生活嘅地點只係係屋企同公司。成人都收埋自己唔想見人，我不知不覺過咗六年有多咁嘅生活，係六年有多， 女人最寶貴嘅六年就係咁白白流失了。係呢六年，我唔想見人，只係想收埋自己，冇乜出過去行街睇戲；冇乜結識過新朋友；生活冇乜改變，唯一會做嘅就係動漫要賺錢，我唔知自呢六年來做過啲乜，雖然有出去同朋食飯，但撫心自問，差唔多每一次都會想臨陣脫逃，每次都會有「放飛機」嘅諗頭，而事實我亦真係放過人好多次飛機，特別係舊同學聚會，每次都唔想去。就算係姐妹們嘅飯局，都係去得好勉強，人到心不到，總覺得自己同其中人隔隔不入，總覺得自己係局外人，就算笑都並非發自真心，只係因為唔想其他人擔心而笑，好少從心底發出嘅笑意，問情呢六年來我真正笑過幾多次？有幾多次笑完係冇失落感？真係諗返起都覺得自己可憐，點解要迫到自己咁呢？
呢六年嚟，我最鍾意睇小說，係因為小說俾到安全感同幻想我，滿足到我，我係小說世界中見到愛情，見到友情，見到異國風情，我覺得呢六年中，我見過好多野，但我忘記了這一切皆是虛幻唔真實的，我應該要活係真實嘅世界中， 而非小說中。我成日都覺得自己已經歷咗好多， 但其實一切都係假的，係別人幻想出嚟嘅世界，我只係一隻井底之蛙。
點解我會變成咁嘅呢？老實講我自己都唔知，我只知道我因為接受唔到自己有白蝕嘅現實，而把自己迫到絕境，我要係人哋面前扮到好堅強，但其實越堅迫正代表自己越接受唔到，自己變得好辛苦，但又要壓迫自己，唔俾自己發洩，最終真係癲咗。
我失去咗六年嘅光陰，我而家突然清醒了，但隨之而來嘅係另一種不安嘅情緒，我好怕自己會咁樣撧繼續落去，我再無另一個六年青春可以浪費落去， 我想結婚生仔，正因為我嘅等留，我錯過咗好多野，我嘅愛情，我呢六年好似一張白紙咁 乜都無， 好真係好怕我嚟緊嘅六年都係咁過，冇人係身邊陪我，乜都要自己撐，我真係好驚好驚，我都問我的他在那兒呢？我嘅愛情又幾時會出現呢？
我可以點樣追返我所失去嘅光陰呢？
2013年8月16日 星期五
好耐冇見
真係好耐好耐冇寫過日記了！
意志消沈了一排，自怨自艾了一年，總知又渾渾惡惡咁過咗一年有多！
老實講呢一年話易過又唔係，話難過又吾係，總知就一年了！
一年中做了年宵又做咗動漫，為自己額外賺到一筆花紅；雖然今年賺到錢，但錢亦洗得好多。
呢一年學會了放手，對名利看淡一點，雖然今年零作為，被新老頂視為閒雜人等，完全被漠視，但也只有一剎那失落，隨後只有更多的喜悅，因為可以做少好多野😁😁
呢年我親手湊大嘅仔仔囡囡畢業了，終於要離我而去，我估九月開學無咗佢哋嘅笑聲，我會好唔慣。
媽咪有病，為咗佢我放棄了去韓國，暑假冇得去旅行，但只要佢可以好番，我覺得係值得的。
我從未好似今年咁咁恨拍拖同結婚，可能係因為媽咪嘅病嘅關係，好想好想結婚還佢心願，同時我成日見到Jayden,我想好想有自己嘅小朋友。
有時我瞓係床上，突然有好空虛嘅感覺，自己一生過咗咁多年，好似冇乜改變過，冇乜經歷過，好似好失敗咁，特別係我見到我身邊嘅人一個又一個結婚生仔，而我呢，乜都冇，連一個伴侶都冇，就真係好失落！但我又可以去邊度搵個男人返來呢？
點講對好，我對自己嘅信心仍然不足，總覺得自己不值得人愛？點解會咁嫁呢？唉！
意志消沈了一排，自怨自艾了一年，總知又渾渾惡惡咁過咗一年有多！
老實講呢一年話易過又唔係，話難過又吾係，總知就一年了！
一年中做了年宵又做咗動漫，為自己額外賺到一筆花紅；雖然今年賺到錢，但錢亦洗得好多。
呢一年學會了放手，對名利看淡一點，雖然今年零作為，被新老頂視為閒雜人等，完全被漠視，但也只有一剎那失落，隨後只有更多的喜悅，因為可以做少好多野😁😁
呢年我親手湊大嘅仔仔囡囡畢業了，終於要離我而去，我估九月開學無咗佢哋嘅笑聲，我會好唔慣。
媽咪有病，為咗佢我放棄了去韓國，暑假冇得去旅行，但只要佢可以好番，我覺得係值得的。
我從未好似今年咁咁恨拍拖同結婚，可能係因為媽咪嘅病嘅關係，好想好想結婚還佢心願，同時我成日見到Jayden,我想好想有自己嘅小朋友。
有時我瞓係床上，突然有好空虛嘅感覺，自己一生過咗咁多年，好似冇乜改變過，冇乜經歷過，好似好失敗咁，特別係我見到我身邊嘅人一個又一個結婚生仔，而我呢，乜都冇，連一個伴侶都冇，就真係好失落！但我又可以去邊度搵個男人返來呢？
點講對好，我對自己嘅信心仍然不足，總覺得自己不值得人愛？點解會咁嫁呢？唉！
訂閱：
文章 (Atom)
