媽咪，究竟你想點？

我今日真係好唔開心，因為媽咪係早上無端端同我講，佢頂唔順，唔想再做化療，我聽到時我真係呆咗，好想問你究竟想點？點解你意志力咁弱，我明白我唔係你，唔知當中嘅辛苦，但我真係唔想你就咁放棄，我好怕佢隨時會服發。某程上我覺得佢真係好自私，我清楚明白命係佢嘅，佢有權利自己決定，但佢真係冇諗過我哋，又或者我哋真係好衰唔識得表達關心，特別係我爸爸，佢真係當佢冇事咁，又要佢煮飯，又要佢做呢樣果樣，而且佢自己又放唔低屋企。

我今日特登去問KK佢話影響就一定有，但最重要係病人嘅心理，所以我明日要嘗試膈佢動之以情，試吓勸吓佢先唔打果四隻補充劑，睇吓會唔會好啲，而且我好想佢可以去阿公度住，當係去四日旅行，嘗試放低屋企，行開吓，等佢可以充分休息，如果真係傾唔掂，我會同兩位陳太同黃太講，希望佢兩個可以幫幫手，我真係好擔心，好想減低佢嘅服發機會。